Penungkunen:
1. Engkai makana i kataken Kalak Karo?
2. Ise saja kin maka i kataken Kalak Karo?
3. Mehaga kin siakap kita Kalak Karo?
Jawab:
1. Kalak sini i kataken Kalak Karo emekapken sekumpulen kelompok suku bangsa siniatur sistem adat istiadat ras sistem kekerabatenna si teridiri ibas :
A. Merga Silima
– Karo Karo
– Tarigan
– Ginting
– Sembiring
– Perangin-Angin
B. Rakut Sitelu
-Kalimbubu
-Sembuyak
-Anak Beru
C. Tutur Siwaluh
– Puang Kalimbubu
– Kalimbubu
– Senina Sipemeren
– Senina Siparibanen
– Senina Sepengalon
– Anakberu
– Anakberu Menteri
– Anak Beru Singikuri
D. Perkade-kaden Sepuluh Dua Tambah Sada
– Nini
– Bulang
– Kempu
– Bapa
– Nande
– Anak
– Bengkila
– Bibi
– Permen
– Mama
– Mami
– Bere-bere
– Teman Meriah
2. Ise saja kin sini i kataken Kalak Karo, emekapken:
Kerina jelma silit hubungenna ras Kalak Karo , baik jelma si labo Kalak Karo tapi erjabu ku Kalak Karo, tapi i pakekenna denga sistem adat istadat ras kekerabaten Kalak Karo ibas kehidupen sehari-hari, enda kerina ikataken Kalak Karo.
3. Kita sebagai Kalak Karo mehaga siakap man banta selaku bagin ibas Kalak Karo, alasenna:
Ibas Kalak Karo enggo lengkap kerina iaturken sistem perkade-kadenna (merga silima, rakut sitelu, tutur siwaluh, perkade kaden sepuluh dua tambah sada), janah tambahenna lit denga kang falsafah Karo, emekapken Rendi Enta (mere lebe makana mindo), rikut tambah tolena kape Kalak Karo mehaga ibas pergaulen sehari-hari, salah sada buktina emekapken kota Madan (Medan), si ni ipanteki Guru Patimpus Sembiring Pelawi gundari enggo jadi salah sada kota terbesar ketiga ibas Indonesia (salah sada prestasi kalak karo si patut i hargai/i pehaga)
Mejuah-juah salam sitandahen.
Permisi baca gan
si inget lalat adat ras musik ta gelah ula pagi salih kerina
tetap si jaga adat ta
mejuah-juah